మనఃవిహారం

మనఃవిహారం 

ఉన్న చోట ఉండనీయక లేని తీరాలకు తోడ్కొని పోయి 

మరో ప్రపంచం తీరాలని తాకించే వెందుకోయి 

నా జీవితంలో లేని రంగులు ఇక్కడ పరిచయం 

చేయడంలొ ఉద్దేశం ఏమిటోయి 

ఈ దారిలో పరచుకున్న పచ్చని పువ్వులు 

నా దారిలో ఎక్కడోయి 

ఇక్కడున్న కిల కిల రావాలు 

నేనున్నచోట వినిపించవు ఎందుకోయి 

ఈ సామరస్యం ఈ ఆనంద ప్రశాంతత 

నా వాళ్ళలో లేదేన్దుకోయి 

తిన్న కాడికి కుడు ఉండి  పేదరికాన్ని జయించిన 

ఈ సమాజము మనకేదోయి 

ప్రేమామృత ధారలు కురిపించే కమ్మని 

ఈ సంగీతం రణ గోన కటోరమైన కర్ణానికి తాకదేన్దుకోయి  

ఈ శ్రావ్యమైన ప్రదేశములో నన్ను దించుటకు 

నీకున్న కారణం ఏంటోయి 

ఈ సుందర మకరంద స్వప్నలోకంలో నే 

ఉంటాననే మారం చేయించే వెందుకోయి  

నిజ జీవితాన్ని ఎదుర్కోనలేని  

బలహినున్ని చేసేయ్యకోయి 

ఎంత అందంగా తీర్చిదిద్దినా 

ఈ సుందర సృష్టి భ్రమెనోయి 

భగవంతుడి చేతికున్న 

అధ్బుతం అదేనోయి 

నిజాన్ని అద్దంలో చూపించి 

మనసుతో బ్రమను సృష్టించి 

కావాల్సిన చోటకి యిట్టె తీసుకొనిపోయి 

కొంచమైన సేధతీరమని ప్రసాదించిన 

ఈ హాయి ఎంత తీయనోయి 

ఎంత తీయనోయి 

                                                                                                 అమృత బిందువు